Ա՜Խ, ՀԱՎԱՏԱՅԻՐ ԳՈՆԵ ԱՍՏԾՈՒՆ

Մեկ «հա» - ես ասում, մեկ ասում ես «չէ» -

Ու չեմ հասկանում՝ ո՞ր խոսքիդ կառչեմ,

Ու չեմ հասկանում՝ գլուխըս առած

Ո՞ր սև-անտակը գնամ ու կորչեմ:

Ա՜խ, հավատայի՛ր գոնե աստըծուն,

Որ վրադ ազդեր առածը ծանոթ.

-Աստված «հա»-ն օրհնել,

Օրհնել է և «չէ»-ն,

Բայց անիծել է մեկտեղ «հա ու չէ»-ն...

[1956թ.]

Ա՜խ, արդեն ականջ է ծակում

Ա՜խ, արդեն ականջ է ծակում

Այս անվերջ զնգոցն ու զանգը,-

Լավ երգը կրկնել տուր անվերջ`

Կցնդի նախկին հուզանքը:

Թե ջուրը նույն ափն է ծեծում`

Լճակ է և կամ ճահիճ է,-

Մաքո՛ւր ջուր, հոտա՛ծ ջուր չկա,

Գործում է միայն հոսա՜նքը: