Պարույր Սևակ

Показаны сообщения с ярлыком ՀԱՆԴԳՆԵՄ ԱՍԵԼ. Показать все сообщения
Показаны сообщения с ярлыком ՀԱՆԴԳՆԵՄ ԱՍԵԼ. Показать все сообщения

ՀԱՆԴԳՆԵՄ ԱՍԵԼ


 
Կարող եմ կյանքում ես շա՜տ բան անել,
Բայց անկարող եմ ինձանից վանել
Իմ երկվորյակին՝
Անկեղծությո՛ւնը:

Ուրեմն ասեմ ամենից առաջ,
Հանդըգնե՛մ ասել, որ ես աշխարհում
Անխտրական եմ՝ նվագի նման,
Անձրևի նման ՝ հավասարատես,
Բայց և կան բաներ,
Բայց և կան մարդիկ,
Որոնց նկատմամբ միտումնավոր եմ՝
Չորը ճարակող չար կրակի պես,
Եվ ծխի նման անտարբեր եմ ես՝
Նրանց ճարճատում-ճիչերի հանդեպ... 

18.XI.1959թ.
Չանախչի

(«Ականջդ բեր ասեմ» շարքից)