Պարույր Սևակ

Показаны сообщения с ярлыком ՄԵՐ ԹՈՒԼՈՒԹՅՈՒՆՆԵՐԸ. Показать все сообщения
Показаны сообщения с ярлыком ՄԵՐ ԹՈՒԼՈՒԹՅՈՒՆՆԵՐԸ. Показать все сообщения

ՄԵՐ ԹՈՒԼՈՒԹՅՈՒՆՆԵՐԸ


Մեզանից նրանք,
Որ լավագույնն են մարդկանց հոտի մեջ,
Հաճախ փորձում են,
Գոնե՛ փորձում են
Մի կերպ ազատվել իրենց հնօրյա թուլություններից,
Ինչպես լավերից լավը գյուղացու
Փորձում է կորցնել արդեն ծերացած իր անասունը՝
Նրան սպանել չկարենալո՜վ,
Խղճալո՛վ նրան:
Եվ ամեն անգամ
Նրանք՝ ծերացած անասունները,
Որ մեր մեջ բանող
Թուլություններն են մեզ նախընծայված,
Վերադառնում են ու գտնում են մեզ,
Ո՜ւր էլ որ տանենք - որտե՜ղ էլ թողնենք,
Վերադառնում են ու գտնում դարձյալ՝
Հուսահատության դուռ հասցնելով
Մեզանից նրանց,
Որ լավագույնն են մարդկանց հոտի մեջ:

Հազա՜ր երանի վատագույններին,
Որ հուսահատվել չգիտեն բնավ...

28.X.1965թ.
Չանախչի