Պարույր Սևակ

Показаны сообщения с ярлыком ՔՈ ԱՆՈՒՆԸ. Показать все сообщения
Показаны сообщения с ярлыком ՔՈ ԱՆՈՒՆԸ. Показать все сообщения

ՔՈ ԱՆՈՒՆԸ


Ես ատում եմ քո անունը,
Ինչպես որ դու
Քեզ փայփայած
Իմ ձեռքերն ես ատում գուցե:

Ես ատում եմ քո անունը,
Որ խրվել է իմ լեզվի մեջ
Փշատենու փշի նման:

Եվ դու ինչո՞ւ ինձ չես հարցնում,
Թե քո անունն ի՛նչ գույն ունի:
Ես ատում եմ և այդ գույնը:

. . . . . . . . . . . . . . . . . . .

…Եթե աղջիկ ես ունենամ`
Նա կկոչվի քո՛ անունով:

Ես ատում եմ քո անունը…


(«Նույն հասցեով» շարքից)